ისრაელმა საკუთარ მოქალაქეებს სამხრეთ აფრიკის ქვეყნებში გამგზავრება აუკრძალა. ამავე რეგიონიდან ისრაელში უცხოელი მოგზაურების ჩასვლა დაუშვებელი იქნება. ამის მიზეზი სამხრეთ აფრიკაში გამოვლენილი „კოვიდ-19“-ის ახალი შტამია. ინფორმაციას „როიტერი“ ავრცელებს.

ამრიგად, ისრაელის მთავრობის მიერ შედგენილ ე.წ. წითელ ნუსხაში შეიყვანეს სამხრეთ აფრიკა, ლესოტო, ბოტსვანა, ზიმბაბვე, მოზამბიკი, ნამიბია და ესვატინი.

ამ ქვეყნებიდან სამშობლოში დაბრუნებულ ისრაელელებს 14-დღიანი კარანტინის გავლა მოუწევთ.
სამხრეთ აფრიკის ე.წ. წითელ ნუსხაში შეყვანას აპირებს ინგლისიც.

ახალი შტამის გამო, ევროკომისია ევროკავშირს აფრიკის სამხრეთ რეგიონიდან ფრენების შეჩერებას შესთავაზებს.

აღნიშნულის შესახებ ევროკომისიის ხელმძღვანელმა ურსულა ფონ დერ ლაიენმა განაცხადა.

„ევროკომისია გააკეთებს შეთავაზებას წევრსახელმწიფოებთან კოორდინაციით ამოქმედდეს გადაუდებელი სამუხრუჭე ზომები აფრიკის სამხრეთ რეგიონიდან საჰაერო მიმოსვლის შესაჩერებლად, B.1.1.529 ვარიანტის გამო“, – დაწერა ფონ დერ ლაიენმა „ტვიტერზე“.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.