ჩვენ ვხედავთ, რომ ხელისუფლება ცდილობს როგორც მიშას იზოლირებას, ამავდროულად ცდილობს გარკვეული ყოფითი პირობების გაუარესებას ან არშექმნას, როგორიც არის მაგალითად, ტელევიზორის დაუდგმელობა, ასევე ლეიბის საკითხი. ამ დრომდე არ აქვს სააკაშვილს ლეიბი. - ამის შესახებ საქართველოს მესამე პრეზიდენტის მიხეილ სააკაშვილის ადვოკატმა ბექა ბასილაიამ ჟურნალისტებს რუსთავის მე-12 პენიტენციურ  დაწესებულების დატოვების შემდეგ განუცხადა.

მისი თქმით, მიხეილ სააკშვილის  ამოცანაა, რომ პროტესტის  მშვიდობიანი, თუმცა ძალიან მკაფიო და რთული ფორმით, როგორიცაა შიმშილობა უპასუხოს იმ უსამართლობას, რაც დღეს საქართველოში ხდება.

„მიშა თავს გრძნობს ძალიან ენერგიულდ, მიუხედავად, იმისა, რომ დღეს შიმშილობს მეშვიდე დღეა, ის  არის შემართული გამარჯვებისთვის და ქართული საზოგადოება გასცემს ბიძინა ივანიშვილის ოლიგარქიულ პრორუსულ რეჟიმს პასუხს იმ უსამართლობაზე, რაც ქვეყანაში ბოლო წლების მანძილზე ტრიალებს და რაც გამოიხატება მიხეილ სააკაშვილის უკანონო პატიმრობაში. ჩვენ ვხედავთ, რომ ხელისუფლება ცდილობს როგორც მიშას იზოლირებას, ამავდროულად ცდილობს გარკვეული ყოფითი პირობების გაუარესებას ან არშექმნას, როგორიც არის მაგალითად, ტელევიზორის დაუდგმელობა, ასევე ლეიბის საკითხი. ამ დრომდე არ აქვს სააკაშვილს ლეიბი.

მიშას პრინციპული პოზიციაა შიმშილობა და ეს პოზიცია მომდინარეობს იმ უსამართლობასთან ბრძოლის წინააღმდეგობიდან, რაშიც სააკაშვილი და მთელი ქართული დემოკრატიული საზოგადოებაა შესული. მიშას ამოცანაა, რომ პროტესტის ამ მშვიდობიანი, თუმცა ძალიან მკაფიო და რთული ფორმით უპასუხოს იმ უსამართლობას, რაც დღეს საქართველოშია“ - განაცხადა ადვოკატმა

ბასილაია ასევე შეეხო, ნარკოტიკების თემას, მან განმარტა, რომ ისინი მზად არიან ყველაფერი გამჭვირვაედ ტელევიზიების თვალწინ მოხდეს.

„ ჩვენ ძალიან კარგად გვესმის შეშინებული ხელისუფლების პოზიციები, მათ უნდათ მაქსიმალური დისკომფორტი შეუქმნან მიშას. მაგრამ ამავდროულად, ყველანი ვხედავთ როგორი ქოსატყუილა ხელისუფლება გვყავს. მაგალითად, გუშინ, როდესაც საუბრობდა ღარიბაშვილი რაღაც ბლეფზე და სისულელეზე, ბოდვაზე ნარკოტიკებთან დაკავშირებით. გამოვედით და გუშინ ვისაუბრეთ, რომ ჩაატარონ ნარკოტესტი ტელევიზიების თანდასწრებით, ასევე მათი თანდასწრებით ნიმუშების ტრანსპორტირებაც მოხდეს ტელევიზიების თანდასწრებით  და ნიმუშების კვლევაც საჯაროდ . მაგრამ ამას ვერ იზამენ, რადგან იციან ეს  დიდი ტყუილია“ - განაცხადა ბექა  ბასილაიამ

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს