ევროპარლამენტარი მარკეტა გრეგოროვა საქართველოშია. როგორც მან აეროპორტში ჟურნალისტებს განუცხადა, 2 ოქტომბრის არჩევნები აჩვენებს, მიემართება თუ არა საქართველო ევროპული მიმართულებით.

მან საქართველოს მესამე პრეზიდენტის, მიხეილ სააკაშვილის დაბრუნებაზეც ისაუბრა და აღნიშნა, რომ სააკაშვილის დაბრუნება არ იქნება პოზიტიური.

„ეს არ არის მხოლოდ ადგილობრივი არჩევნები, ისინი საპარლამენტო არჩევნების დონისაა რადგან აჩვენებს, მიემართება თუ არა საქართველო ევროპული მიმართულებით. აქ ვართ იმისთვის, რომ დავაკვირდეთ და გავაკონტროლოთ, რომ არ განმეორდეს ბოლოს მომხდარი მანიპულაციები. ვფიქრობ, სააკაშვილის დაბრუნებას დიდი ეფექტი მოჰყვება, არ მგონია, რომ ეს პოზიტიური იყოს, რადგან ამ არჩევნებს, სტაბილურობა სჭირდება“,  - განაცხადა გრეგოროვამ.

ევროპარლამენტარმა სავარაუდოდ სუს-ის ფარულ მოსმენებზეც ისაუბრა და აღნიშნა, რომ ამას გავლენა ექნება ევროკავშირისა და საქართველოს პარტნიორულ ურთიერთობებზე.

„რაც შეეხება მოსმენების შესახებ გავრცელებულ ინფორმაციას, ამას გავლენა ექნება პარტნიორულ ურთიერთობებზე ევროკავშირსა და საქართველოს შორის, ეს ნდობას ეხება და ნდობა დარღვეულია“, - დასძინა ევროპარლამენტარმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით