2021-09-26 08:19:53, 1668 ნახვა
რეგიონი
ფოთში ძლიერმა ქარმა საცხოვრებელი სახლები დააზიანა
ფოთში ძლიერმა ქარმა საცხოვრებელი სახლები დააზიანა - ინფორმაციას მუნიციპალიტეტის მერია ავრცელებს.
ძლიერმა ქარმა სახლებს სახურავები ახადა, წააქცია ხეები. ზოგიერთ უბანს არ მიეწოდება ელექტროენერგია.
„ფოთის მუნიციპალიტეტში 16:50 საათზე ძლიერი ქარი 17-32 მ/წმ-დე დაფიქსირდა. მერიის შესაბამისი სამსახურები ქალაქის სხვადასხვა უბანში არსებულ ვითარებას ადგილზე ეცნობიან. მიმდინარეობს სახლების გადახურვა დროებითი გადასახური მასალით", - ნათქვამია განცხადებაში.
როგორც მერიის მიერ გავრცელებულ განცხადებაში ვკითხულობთ, ზარალის დადგენა მიმდინარეობს და ოჯახებს შესაბამისი დახმარება გაეწევათ.
ავტორი: ექსპრესნიუსი,
epn.ge (@expressnews.ge)
