1-ელი ოქტომბრიდან სომხეთში, არავაქცინირებული მოსახლეობისთვის კორონავირუსის ტესტის პასუხის გარეშე მუშაობისთვის ჯარიმები ამოქმედდება.

როგორც ადგილობრივი მედია იუწყება, ჯარიმის თანხა 20 ათას დრამს შეადგენს, თუმცა განმეორებითი დარღვევის შემთხვევაში, კომპანიას მეტი თანხის გადახდა მოუწევს.

სომხური მედიის ინფორმაციით, აღნიშნული ჯარიმები შეეხება ძირითადად ყველა სფეროში დასაქმებულ პირებს, კერძოდ, სამთო-მრეწველობის, სამშენებლო, სავაჭრო სექტორის წარმომადგენლებს. ამასთანავე, ტრანსპორტში, სილამაზის სალონებში, აფთიაქებსა და ოფისებში, ბიბლიოთეკებში, მუზეუმებში, კინოთეატრებში, კულტურულ ცენტრებში დასაქმებულებს.

სომხეთი ჯანდაცვის სამინისტროში აცხადებენ, რომ აღნიშნული ზომები ვირუსის გავრცელებას გააკონტროლებს, ამასთანავე, შეამცირებს მძიმე და ფატალლური შემთხვევების რაოდენობას.

სომხეთის სამედიცინო უნივერსიტეტის ლექტორი დავით მელიქ-ნუბარიანი აცხადებს, რომ ქვეყნის ოფიციალური პირები მეტად უნდა მუშაობდნენ მოსახლეობასთან, რათა გაიზარდოს ვაქცინაციის ტემპი, რადგან, მისივე თქმით, დაშინება არ გამოიწვევს იმუნიზაციის პროცესის დაჩქარებას.

ერევანში აცხადებენ, რომ აღნიშნული მეთოდი, კერძოდ, ყოველ 14 დღეში დამსაქმებლებისგან დასაქმებულთათვის კოვიდ19-ის უარყოფითი ტესტის პასუხის მოთხოვნა, ვაქცინაციის იძულებად ითვლება, რადგან, მათივე თქმით, ბევრი ადამიანი ვერ ახერხებს საკუთარი სახსრებით 2 კვირაში ერთხელ ტესტის ჩატარებას.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს