2021-09-10 16:34:44, 521 ნახვა

---

პრემიერი - „ქართული ოცნების“ ერთ-ერთი მთავარი მონაპოვარი თავისუფლებაა, ვერავინ შეძლო ქართველების დაჩოქება და როგორ, დავმორჩილებოდით ასეთ უსახურ პოლიტიკოსებს, როგორიც სააკაშვილი და მისი კრიმინალური ბანდაა

„ქართული ოცნების" ერთ-ერთი მთავარი მონაპოვარი არის თავისუფლება, რომელიც ჩვენს მოქალაქეებს დავუბრუნეთ, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების" თიანეთის მერობის კანდიდატის, ლევან წიკლაურის წარდგენისას განაცხადა.

მთავრობის მეთაურის შეფასებით, ზოგიერთ უგუნურ მმართველს ეგონა, რომ საკუთარი მოკლე მხედველობით შეძლებდა ღირსეული ხალხის დაჩოქებას.

„ვერც ერთმა დამპყრობელმა ვერ შეძლო ღირსეული და თავისუფლებისმოყვარე ქართველი ხალხის დაჩოქება და როგორ შეიძლებოდა, დავმორჩილებოდით ასეთ უსახურ პოლიტიკოსებს, როგორიცაა სააკაშვილი და მისი კრიმინალური ბანდა. აღარ მინდა, თქვენი ყურადღება შევაჩერო  დიდ ზიანზე, რომელიც მათ ჩვენს ქვეყანას მიაყენეს, ნგრევა და უბედურება მოუტანეს ჩვენს ქვეყანას, შფოთვა, ალიაქოთი და ისტერიკა სწორედ მათ შემოიტანეს ჩვენს ქვეყანაში. ეს, სამწუხაროდ იმის მიუხედავად, რომ ჩვენმა ხალხმა გაისტუმრა მშვიდობიანად ეს მოძალადე ხელისუფლება თქვენ ხედავთ, რომ ბოლო 9 წელია, სისტემატურად მიმდინარეობს ხელოვნური კრიზისების შექმნა. და ვთქვათ ეხლა, რომ მათ მოახერხეს ის, რომ ყოველდღიურად ზღვარგადასული ნიაღვარი მოედინება მათი ამ ძალიან ანგაჟირებული პოლიტიკური ტელევიზიებიდან, მათ მიერ მართული ტელევიზიებიდან, პირდაპირ აღვივებენ ზიზღს, ერთმანეთში ძალადობას, დაპირისპირებას, შუღლს. ეს რა თქმა უნდა ჩვენს ქვეყანას, ჩვენს ხალხს არაფერს კარგს არ უქადის და არაფერს კარგს არ მოუტანს. ჩვენ ეს კარგად ვიცით. წარმოიდგინეთ, რომ ამდენი გამოწვევების მიუხედავად, მათ შორის მით უმეტეს როცა ჩვენ ვიცით, რომ ჩვენი ქვეყანა არის ოკუპირებული, ვცხოვრობთ ოკუპანტ ძალასთან ერთად ჩვენი ქვეყნის ტერიტორიაზე, ამის მიუხედავად ვახერხებთ, რომ ერთადერთი, მშვიდობიანი პერიოდი სწორედ არის „ქართული ოცნების" მმართველობის პერიოდი,  როცა ქვეყანა 9 წლის განმავლობაში არ ჰქონია არც ომი, არც რაიმე სერიოზული დაპირისპირება. ასე მშვიდობიანად, მტკიცედ და მყარად ვმართავთ ქვეყანას და ვავითარებთ ჩვენს სახელმწიფოს ყველა მიმართულებით", - განაცხადა ირაკლი ღარიბაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი