დღეს დაანონსებული მარშის ჩატარება მიმაჩნია მიზანშეუწონლად, - ამის შესახებ პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე განაცხადა.

როგორც მან აღნიშნა, დღევანდელი აქცია, სამოქალაქო  დაპირისპირების საფრთხეს შეიცავს და მოსახლეობის უმრავლესობისთვის აქციის ჩატარება არის მიუღებელი.

„ჩვენი სახელმწიფო იცავს ყველა მოქალაქის უფლებას, ჩვენ არ განვასხვავებთ რაიმე ნიშნით, ამისთვის ყველაფერი გავაკეთეთ მივიღეთ ანტიდისკრიმინაციული კანონი, ასევე კონსტიტუციაში მოხდა ქორწინების დეფინიციის განსაზღვრა.

მე მინდა ვთქვა, რომ იმ ადამიანებს, რომლებიც აპროტესტებენ და გამოხატავენ თავის პოზიციას, სურთ მარშების ჩატარება, ეს მათი უფლებაა, სახელმწიფომ ამისთვის ყველაფერი უზრუნველყო და გუშინ და გუშინ წინ ჩაატარეს უსაფრთხოდ. დღეს დაგეგმილი მარშის ჩატარება მიმაჩნია მიზანშეუწონლად. დღევანდელი აქცია, სამოქალაქო  დაპირისპირების საფრთხეს შეიცავს, მოსახლეობის უმრავლესობისთვის აქციის ჩატარება არის მიუღებელი, შსს არის მუდმივ კონტაქტზე პრაიდის ორგანიზატორებთან, მათ განემარტათ საფრთხეები და მიეცათ ალტერნატიული ადგილის შერჩევის შესაძლებლობა. მე მოვუწოდებ გაითვალისწინონ.

ზოგადად ასეთი ტიპის აქციები და ღონისძიებები მე ვფიქრობ ხელს უწობს მათ დისკრიმინაციას, როდესაც ზედმეტად ხდება აპელირება განსხვავებულობაზე ეს არის დისკრიმინაცია. ისინი ჩვეულებრივად ცხოვრობენ და მუშაობენ, არავითარი საფრთხე არ ექმნებათ“, - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

ზელენსკი: რუსეთმა უკრაინა ჩრდილოეთ კორეული რაკეტით დაბომბა

ესპანეთის საზღვარს ათასობით მიგრანტი შტურმით იღებს, მადრიდი კრიზისის ადგილას ჯარს აგზავნის

მიხეილ სარჯველაძე Roche-ს ფარმაცევტული მიმართულების აღმასრულებელ დირექტორს შეხვდა, რომელიც ონკოლოგიურ და დიუშენის დისტროფიის სამკურნალო წამლებს აწარმოებს

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა