დასრულდა ის დრო, როდესაც ვინმე თანამდებობიდან იძულებით მიდიოდა, - ამის შესახებ პარლამენტის თავმჯდომარემ, კახა კუჭავამ თამარ ჟვანიას მიერ ცესკოს თავმჯდომარის თანამდებობის დატოვებასთან დაკავშირებით განაცხადა.

მისივე თქმით, იმ ადამიანებმა, რომლებიც ჟვანიას არჩევნების გაყალბებაში ადანაშაულებდნენ, მას ბოდიში უნდა მოუხადონ.

„დასრულდა ის დრო, როდესაც ვინმე თანამდებობიდან იძულებით მიდიოდა, მითუმეტეს, როდესაც მას ჰქონდა გარანტირებულად არჩეული ვადა და მას შეეძლო ეს ვადა გამოეყენებინა ბოლომდე, ამიტომ ზედმეტია ამაზე საუბარი.

თამარ ჟვანიამ მიიღო ეს გადაწყვეტილება და არ მიკვირს, თუმცა ვისურვებდი, რომ ის ადამიანები, ვინც მას გარკვეულ საკითხებში ბრალს სდებდნენ, მათ შორის არჩევნების გაყალბებაში და ეს ვერ დაადასტურეს, ეყოთ ის ღირსება, გამოვიდნენ და მას ბოდიში მოუხადონ“, - განაცხადა კახა კუჭავამ.

შეგახსენებთ, რომ ცესკო-ს თავმჯდომარემ, თამარ ჟვანიამ თანამდებობა ვადის ამოწურვამდე 2 წლით ადრე დატოვა.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა