„ნაციონალურ მოძრაობას" დღემდე ხელი არ მოუწერია 19 აპრილის შეთანხმებისთვის. 19 აპრილის შეთანხმება ეს არის ევროპული გზა საქართველოსთვის, ეს არის  დეპოლარიზაციის და პარლამენტში ოპოზიციას და ხელისუფლებას შორის თანამშრომლობის გზა“, - ამის შესახებ „ქართული ოცნების“ საზოგადოებასთან ურთიერთობის მდივანმა შალვა პაპუაშვილმა „მთავარი არხის“ ეთერში განაცხადა.

მისი თქმით, როდესაც პარტია ამას ხელს არ აწერს, ამით ამბობს, რომ მას არ უნდა დეპოლარიზაცია, მას უნდა პოლარიზაცია.

„პარლამენტის წინ ჯერ კიდევ გაშლილია კარვები და მოწოდების მიუხედავად,  არ იღებენ. ჩვენ ხომ ვსაუბრობთ, გვინდა თუ არა, რომ გადავიდეთ თანამშრომლობის სხვა ეტაპზე, თორემ შეგვიძლია ასეც ვიყოთ. ნახევარზე  მეტს  ხელი  არ  აქვს  მოწერილი  19  აპრილის  ხელშეკრულებაზე.  პრობლემა  არ  იქნებოდა  „ნაციონალური  მოძრაობის“  ასე  ყოლა, ისინი  ამ  კუთხით  არიან  ოპოზიციაში. ამიტომ  მნიშვნელოვანია,  რომ  ისინი  იყვნენ ამის  ნაწილი.  ცალმხრივად  თანამშრომლობა  ხომ არ შეიძლება,  თანამშრომლობა -  ეს  არის  ორმხრივად  მოძრაობის  გზა, ჩვენ  ცალმხრივად  როგორ  ვეთანმშრომლოთ  პარტიას, რომელიც  ამბობს, რომ  მე  კარვები  უნდა  გაგიშალო და  ბოიკოტი  გამოგიცხადო“, - განაცხადა შალვა პაპუაშვილმა.

ავტორი: NS (სტატია დაფინანსებულია),

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა