ავსტრიის, რუმინეთისა და ლიეტუვის საგარეო საქმეთა მინისტრები საოკუპაციო ხაზთან იმყოფებოდნენ

2021-06-26 13:06:33, 1198 ნახვა

პოლიტიკა

ავსტრიის საგარეო საქმეთა მინისტრი ალექსანდრ შალენბერგი, ლიეტუვის პირველი დიპლომატი გაბრიელიუს ლანდსბერგისი და რუმინეთის საგარეო საქმეთა მინისტრი ბოგდან აურესკუ ევროკავშირის სადამკვირვებლო მისიასთან ერთად „სამხრეთ ოსეთის“ ადმინისტრაციული სასაზღვრო ხაზის მონაკვეთებს ეწვივნენ.

ამის შესახებ ინფორმაციას ევროკავშირის სადამკვირვებლო მისია „ტვიტერზე“ ავრცელებს.

მათივე ცნობით, ოძისის რიონში ვიზიტის დროს, ევროკავშირის სადამკვირვებლო მისიის წარმომადგენლებმა საგარეო საქმეთა მინისტრებს მიაწოდეს ინფორმაცია ოკუპირებულ ტერიტორიებზე უკანასკნელ პერიოდში უსაფრთხოებასთან დაკავშირებით განვითარებულ მოვლენებზე და მათ კონკრეტულ გავლენაზე ადგილობრივი მოსახლეობის ცხოვრებასა და ადამიანის უფლებებზე.

როგორც ევროკავშირის სადამკვირვებლო მისიის მიერ გავრცელებულ ინფორმაციაშია აღნიშნული, სამი ქვეყნის საგარეო საქმეთა მინისტრმა მადლიერება გამოხატა ადმინისტრაციული სასაზღვრო ხაზის მონახულების შესაძლებლობისთვის.

დიპლომატებს საშუალება მიეცათ არსებული ვითარებისა და გამოწვევების შესახებ უშუალოდ პირველი პირებისგან მოესმინათ. საგარეო საქმეთა მინისტრებმა სადამკვირვებლო მისიის როლი დადებითად შეაფასეს უსაფრთხოებისა და სტაბილურობის გაზრდაში.

The visit is now over. It allowed the ???????? ???????? ???????? Foreign Ministers to receive a first-hand impression of the security situation. They praised @EUMMGeorgia for its role in enhancing security and stability on the ground, and expressed their appreciation for the field visit. pic.twitter.com/CYDsiVRtv5
— EUMM Georgia (@EUMMGeorgia) June 26, 2021