2021-06-18 23:21:23, 1566 ნახვა
მსოფლიო
ვიეტნამის მთავრობამ სოციალური მედიის ქცევის კოდექსი დააწესა
ვიეტნამის მთავრობამ სოციალური მედიის ქცევის კოდექსი დააწესა.
ამის შესახებ ინფორმაციას „როიტერსი“ ავრცელებს.
მედიის ინფორმაციით, სოციალურ მედიებს ვიეტნამში აეკრძალათ ისეთი მასალების გამოქვეყნება, რომელიც ქვეყნის კანონმდებლობასა და ეროვნულ ინტერესებს ეწინააღმდეგება.
ქცევის კოდექსი ასევე სოციალურ მედიებს უკრძალავს მთავრობის კრიტიკას, ქვეყნაში არსებულ სოციალურ მედიებს მთავრობის მაღალჩინოსნები გააკონტროლებენ და დარღვევის შემთხვევაში სათანადო ზომებს მიიღებენ.
„სოციალური მედიის მომხმარებლებს მოვუწოდებთ, ხელი შეუწყონ ვიეტნამის ბუნებრივი სილამაზის, ხალხისა და კულტურის შესახებ დადებითი ისტორიების გავრცელებას“, - წერია ქცევის კოდექსში.
ავტორი: ექსპრესნიუსი,
epn.ge (@expressnews.ge)
