ფინანსთა სამინისტრო, როგორც ბიუჯეტის მესვეური, ხელისუფლების ეკონომიკური წარუმატებლობის სარკეა, - ამის შესახებ „ნაციონალური მოძრაობის“ წევრმა რომან გოცირიძემ ჟურნალისტებთან განაცხადა.

მისი თქმით, მთავრობამ პანდემიის კრიზისის დასაძლევად 5 მილიარდი ლარი არაეფექტიანად გამოიყენა.

„დღეს ფინანსთა მინისტრი მოვა ამ დარბაზში და ძალიან მძიმე დღე იქნება მთავრობისათვის. ფინანსთა სამინისტრო, როგორც ბიუჯეტის მესვეური არის ქვეყნის მდგომარეობის სარკე. ჩახედავ ბიუჯეტში და დაინახავ ამ ხელისუფლების ეკონომიკური წარუმატებლობის საშინელ სურათს. პანდემიის პერიოდში 5 მილიარდი ლარი აიღეს მხოლოდ პანდემიის კრიზისის დასაძლევად და ამ სახსრების ძალიან დიდი ნაწილი იყო გამოყენებული არაეფექტიანად“, - განაცხადა რომან გოცირიძემ.

შეგახსენებთ, რომ პარლამენტში, დღეს ფინანსთა მინისტრს ლაშა ხუციშვილს მოუსმენენ. ლაშა ხუციშვილი პარლამენტის პლენარულ სხდომაზე „მინისტრის საათის“ ფორმატში წარდგება.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა