ფრაქცია „ქართული ოცნების“ თავმჯდომარის მამუკა მდინარაძის განცხადებით, პრეზიდენტს შეხვედრაზე თავისი განწყობები, აპირებს თუ არა „ადმინისტრაციულ სამართალდარღვევთა კოდექსში“ კანონპროექტზე ვეტოს დადებას, არ გამოუხატავს.

მამუკა მდინარაძემ აღნიშნა, რომ სალომე ზურაბიშვილთან შეხვედრაზე „ქართული ოცნების“ წარმომადგენლებმა საკუთარი პოზიციები დააფიქსირეს და იმედი გამოთქვა, რომ პრეზიდენტი გაიზიარებს მათ არგუმენტებს.

„აჟიოტაჟი კანონპროექტთან დაკავშირებით არის გადაჭარბებული, რადგან არაფერი განსაკუთრებული იქ  არ ყოფილა. ყველაფერი თავისი სამართლებრივი არგუმენტებით მოვუყევით პრეზიდენტს და რადგან სამართლებრივად არცერთი ნიუანსი არ არსებობს, სადაც არის პრობლემა, რადგან საერთაშორისო სტანდარტებთან და საქართველოს კონსტიტუციასთან აბსოლუტურ თანხვედრაშია ეს კანონპროექტი და გაცილებით მკაცრია მსგავსი ქმედებისთვის ევროპის ქვეყნებში, იმედი გვაქვს, პრეზიდენტი გაიზიარებს ამ არგუმენტებს.

მას არ მოუხდენია ჩვენთან თავისი განწყობის დეკლარირება. მან ყურადღებით მოგვისმინა, თავისი კითხვები დასვა და მის დასკვნებზე მე წინაწარ ვერ ვილაპარაკებ. წინასწარ ვერ ვილაპარაკებთ ვეტოს დაძლევაზე - თუ პრეზიდენტმა ვეტოს დადების გადაწყვეტილება მიიღო, რაც, ჩემი აზრით, სამართლებრივ არგუმენტებს ვერ დაეყრდნობა, ამ შემთხვევაში, გააჩნია რა არგუმენტაცია მოჰყვება ამას და ამის შემდეგ იმსჯელებს ვეტოს დაძლევაზე პარლამენტი. თუ იქნება ისეთი საკითხები, რაც განხილვადია და რაციონალურ მსჯელობაში ჯდება, ამაზე მსჯელობაც შეიძლება. ჩემი ვარაუდია და შეიძლება სუბიქტური ვარ, სამართლებრივი არგუმენტაცია, თუ რატომ შეიძლება ვეტო დაედოს, არ არის“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა