საპარლამენტო უმრავლესობის წევრის, გურამ მაჭარაშვილის განცხადებით, ნიკა მელია ოპოზიციამ დილემის წინაშე დააყენა.

როგორც მან აღნიშნა, მისი შეფასებით, პარტია „ლელოს“ ინიციატივა, რომ ევროპარლამენტარები მელიას თავდებში ჩაუდგებიან, შეთანხმების დოკუმენტს ეწინააღმდეგება.

„ნიკა მელია ამ შემთხვევაში დილემის წინაშე დააყენეს - გამოვა ვაია, არ გამოვა - ვუია. რაც შეეხება „ლელოს“ მოწადინებას, რომ მისი გამოსვლის მესამე კარი გამოიგონოს, ეს წინააღმდეგობაშია იმ პოლიტიკურ შეთანხმებასთან, რომელსაც თავად „ლელომაც“ ხელი მოაწერა.

ნიკა მელიას საკითხი აბსოლუტურად არ არის პრიორიტეტული არა მხოლოდ ქართული საზოგადოებისთვის, არამედ უკვე საერთაშორისო პარტნიორებისთვის იმ დონეზე, თუ თავად არ მიიღებს გადაწყვეტილებას, რომ რაც წერია პოლიტიკურ შეთანხმებაში ამნისტიის შესახებ კანონით იგი უნდა გამოვიდეს, ან ევროსაბჭოს მიერ შეთავაზებული გირაოთი უნდა გამოვიდეს, ეს არის მისი პირადი გადაწყვეტილება“, - განაცხადა გურამ მაჭარაშვილმა.

ცნობისთვის, პარტია „ლელოს“ ინფორმაციით, ევროპარლამენტარები მზად არიან, რომ ნიკა მელიას თავდებში დაუდგნენ, რათა დაუყონებლივ შეიცვალოს მისი აღკვეთის ღონისძიება და გათავისუფლდეს.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა