2021-04-16 12:16:10, 539 ნახვა

---

ირაკლი კობახიძე - ამერიკელი მეგობრების რჩევები და მოსაზრებები გათვალისწინებული იქნება შემდეგი ნაბიჯების გადადგმისას

განსაკუთრებული ყურადღება გავამახვილეთ დიალოგისა და პარლამენტის ფუნქციონირებასთან დაკავშირებულ პროცესზე, - ამის შესახებ „ქართული ოცნების“ თავმჯდომარემ, ირაკლი კობახიძემ აშშ-ში, სენატორ ჯინ შაჰინთან და რონ ჯონსონთან შეხვედრის შემდეგ განაცხადა.

მისივე თქმით, მმართველი გუნდი გაითვალისწინებს ამერიკელი მეგობრების რჩევებსა და მოსაზრებებს შემდეგი ნაბიჯების გადადგმის დროს.

„რა თქმა უნდა უნდა, განსაკუთრებული ყურადღება გავამახვილეთ დიალოგის პროცესზე. იმ პროცესებზე, რომელიც დაკავშირებულია პარლამენტის ფუნქციონირებასთან. ჩვენთვის მნიშვნელოვანი იყო ჩვენი მეგობრების მოსაზრებებისა და რჩევების მოსმენა და ბუნებრივია, ეს რჩევები და მოსაზრებები იქნება გათვალისწინებული ჩვენი მხრიდან შემდეგი ნაბიჯების გადადგმის დროს”, - განაცხადა ირაკლი კობახიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი