„სტრატეგია აღმაშენებლის“ ლიდერის, გიორგი ვაშაძის განცხადებით, ერთ-ერთი ყველაზე დესტრუქციული როლი მოლაპარაკების პროცესში საქართველოს პრეზიდენტმა, სალომე ზურაბიშვილმა ითამაშა.

გიორგი ვაშაძის ინფორმაციით, სალომე ზურაბიშვილმა უარი განაცხადა პოლიტპატიმრების შეწყალების პროცედურაზე.

„ერთ-ერთი ყველაზე დესტრუქციული როლი მოლაპარაკების პროცესში საქართველოს პრეზიდენტმა, სალომე ზურაბიშვილმა ითამაშა, იმიტომ რო ჩემი ინფორმაციით, იმ არაერთი ვიზიტის მიუხედავად, რომელიც მასთან იყო, მან უარი განაცხადა შეწყალების პროცედურის გამოყენებაზე ამ პროცესში. თვითონ ის ფაქტი, რომ შეწყალების პროცედურა არ არის გამოყენებული და „ქართული ოცნების“ ხისტი პოზიცია, რურუასთან დაკავშირებით, ცალსახად უსვამს ხაზს და მიუთითებს, რომ გიორგი რურუა არის პოლიტპატიმარი“, - განაცხადა გიორგი ვაშაძემ.

შეგახსენებთ, რომ ევროპული საბჭოს პრეზიდენტის, შარლ მიშელის პირადი წარმოამდგენლის კრისტიან დანიელსონის მედიაციით, გუშინ, ხელისუფლებასა და ოპოზიციას შორის მიმდინარე მოლაპარაკების პროცესი, უკვე მეორედ, შეთანხმების გარეშე დასრულდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო