2021-03-24 02:22:38, 527 ნახვა

---

ჯუანშერ ბურჭულაძე - ჩვენ რომ მივაღწიეთ იმ უპრეცედენტო ხარისხს, რაც გვაქვს დღეს, ჯარის კვებაში ასეთი არასდროს ყოფილა

„ჩაქაფულს ჭამს ჯარისკაცი აღდგომაზეო და ეს ნეგატივში ჩაგვითვალეს“ - ამის შესახებ თავდაცვის მინისტრმა ჯუანშერ ბურჭულაძემ ტელეკომპანია „რუსთავი-2“-ში სტუმრობისას განაცხადა.

მან ოპონენტების მხრიდან უსამართლო კრიტიკაზე ისაუბრა და განაცხადა, რომ ჯარისკაცების კვებაზე ბრალდებები უსაფუძვლო და აბსურდულია.

„ეს, ქვეყანა არ უნდა გადავაყოლოთ პირად ინტერესებს. რაც შეეხება კვებას - ჩაქაფულს ჭამს ჯარისკაცი აღდგომაზეო და ესეც ნეგატივში ჩაგვითვალეს. სხვა ტენდერებს რაც შეეხება კვებაზე, ეთერში რაც ვიხილეთ, ეს იყო შეწყვიტეს კომპანიებთან ხელშეკრულებები და დააჯარიმესო. ჩვენ რომ მივაღწიეთ იმ უპრეცედენტო ხარისხს, რაც გვაქვს დღეს ჯარის კვებაში ასეთი არასდროს არ ყოფილა,“ - განაცხადა მინისტრმა და აღნიშნა, რომ ტენდერებს ატარებს შესყიდვების სააგენტო, რომელიც არის დამოუკიდებელი და ბრალდებები იმის შესახებ, რომ თავდაცვის უწყებამ მკაცრი ხელი გამოიჩინა და კომპანიები დააჯარიმა, ლოგიკას აცდენილია.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი