„2018 წლიდან დაიწყო სატყეო კონცეფციაზე მუშაობა და 7-8 წელი მიმდინარეობდა რეფორმა, დიალოგი და დისკუსია როგორც ყველა ექსპერტთან ადგილობრივ დონეზე, ასევე დიდი იყო საერთაშორისო ჩართულობა, ჩვენი დონორების მხარდაჭერა, ევროპის ბევრი ქვეყანა სამინისტროს შესაძლებლობების გაძლიერებაზე მუშაობდა და, საბოლოოდ, პარლამენტმა 2020 წელს მიიღო ტყის ახალი კოდექსი, რომელიც ძალაში შედის მიმდინარე წლის იანვრიდან. კოდექსი აყალიბებს ქვეყანაში ტყეების მდგრადი მართვის პრაქტიკას, რაც საშუალებას მოგვცემს, ბუნებრივი რესურსი გამოვიყენოთ მეტი ეკონომიკური სარგებლით და ასევე, უკეთესი ეკოლოგიური მდგომარეობა გვქონდეს ტყეებში.

მყისიერი შედეგების მისაღებად, შეუდარებელია ის დახმარება, რომელსაც საქართველო იღებს კლიმატის მწვანე ფონდიდან. ეს არის 33 მლნ ევროს დახმარება. სამინისტრო, გერმანელ პარტნიორებთან ერთად, მუშაობდა ძალიან ძლიერი განაცხადის მომზადებაზე, რომელმაც კონკურენტულ ბრძოლაში მიიღო გამარჯვება და საქართველომ მიიღო საგრანტო დახმარება, რომელიც მოხმარდება 3 რეგიონს: გურიას, მცხეთა-მთიანეთს და კახეთის რეგიონს, სადაც დაიწყება მდგრადი მართვის პრაქტიკის და თანამედროვე მეთოდების გამოყენება.

საგრანტო დახმარება ეხება როგორც სატყეო სააგენტოს, ისე გარემოსდაცვითი ზედამხედველობის დეპარტამენტს, საჯარო სტრუქტურების  და კერძო სექტორის  შესაძლებლობების გაძლიერება-განვითარებას. კერძო სექტორის ჩართულობა ძალიან მნიშვნელოვანია და ძალიან დიდი უნდა იყოს.

ტყის რეფორმის კუთხით არ შეიძლება არ აღინიშნოს, რომ საქართველო ერთადერთია პოსტსაბჭოთა სივრცეში, რომელმაც დაიწყო და მიმდინარე წელს უნდა დავასრულოთ ტყეების ეროვნული დონის აღრიცხვა საერთაშორისო სტანდარტების შესაბამისად. შედეგად, გვექნება ზუსტი და სრული ინფორმაცია საქართველოს ტყეების მდგომარეობის შესახებ. იმისთვის, რომ სწორად წარვმართოთ სატყეო ოპერაციები, მნიშვნელოვანია, რომ გვქონდეს ტყის ინვენტარიზაცია და 10 წლიანი მართვის გეგმა. 2021 წელს, დაგეგმილია 169 187 ჰა-ზე ადიგენის, თეთრიწყაროს და ამბროლაურის სატყეო უბნებზე 10 წლიანი მართვის გეგმების მომზადება. ტყის აღდგენის ღონისძიებები მიმდინარე წელს დაგეგმილია 297 ჰა-ზე“, - განაცხადა ლევან დავითაშვილმა პარლამენტში სიტყვით გამოსვლის დროს.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო