პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, ხელისუფლებასა და ოპოზიციას შორის მიღებული პოლიტიკური გადაწყვეტილება ვერ იქნება ვერც კონსტიტუციის საწინააღმდეგო და ვერც ხალხის ინტერესების საზიანო.

როგორც ოხანაშვილმა ჟურნალისტებთან საუბრისას აღნიშნა, პოლიტიკურმა სუბიექტებმა უნდა შეძლონ პოზიციების დაახლოება.

„ყველა მხარესთან მიმართებაში არის მოწოდება, რომ ხალხის ინტერესებზე ორიენტირებული და სამართლიანი გადაწყვეტილება შედგეს. გადაწყვეტილება ვერ იქნება ვერც კონსტიტუციის საწინააღმდეგო, სადაც არის დაფიქსირებული, როდის ტარდება არჩევნები და ვერც ხალხის ინტერესების საზიანო. ეს უნდა იყოს ხალხის ინტერესებზე ორიენტირებული, კონსტიტუციასთან შესაბამისი და სამართლიანი გადაწყვეტილება. პოლიტიკურმა სუბიექტებმა უნდა შეძლონ პოზიციების დაახლოება.

ჩვენი პასუხისმგებლობა, რა თქმა უნდა, არის ის, რომ ჩვენ ამ პროცესში უნდა მივიღოთ მონაწილეობა აქტიურად, ამ პასუხისმგებლობას ვგრძნობთ და ვახორციელებთ იმით, რომ ვსხედვართ მოლპარაკების მაგიდასთან, გვაქვს მზაობა სამართლიან, ხალხის ინტერესებზე ორიენტირებულ შეთანხმებაში მივიღოთ მონაწილეობა“, - განაცხადა ანრი ოხანაშვილმა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო