2021-03-16 14:15:17, 533 ნახვა

---

გიგი უგულავა - ქვეყანას ფსიქიკურად გაუწონასწორებელი, სადისტური მიდგომების მქონე კობახიძე და ღარიბაშვილი მართავენ

„ევროპული საქართველოს“ ლიდერის, გიგი უგულავას განცხადებით, ქვეყანას ფსიქიკურად გაუწონასწორებელი და სადისტური მიდგომების მქონე კობახიძე და ღარიბაშვილი მართავენ.

როგორც ის აღნიშნავს, ამიტომაა აუცილებელი, რომ რიგგარეშე არჩევნებს გზით ხელისუფლებას მშვიდობიანად ჩამოშორდნენ მსგავსი ტიპის ადამიანები.

„მმართველი პარტიის თავმჯდომარისგან ასეთი გამოხტომები ძალიან არაკონსტრუქციულია. მეორე ის, რომ მიზნად ისახავს ჩაშლას, ან კიდევ საკუთარ მაყურებელზე გათვლილია, რომ მაგარი ბიჭები არიან, ან დავალებით მოქმედებს. კობახიძე და ღარიბაშვილი, ეს ფსიქიკურად გაუწონასწორებელი და სადისტური მიდგომების ადამიანები, მართავენ ქვეყანას, რაც სახიფათოა როგორც ქვეყნისთვის, ასევე საზოგადოებისთვის. ამიტომ არის პრინციპული რიგგარეშე არჩევნები, რომ სადისტური მიდრეკილებების მქონე ადამიანები მშვიდობიანად ჩამოშორდნენ ხელისუფლებას“, - განაცხადა გიგი უგულავამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი