პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, ახლა მთავარია, რომ ოპოზიციის განწყობა ორიენტირებული იყოს შეთანხმების მიღწევაზე.

მისი თქმით, ოპოზიციის დამოკიდებულება მოლაპარაკებებისადმი კონსტრუქციული არ ყოფილა.

„რაც შეეხება ინიციატივას, რომ მოლაპარაკებები ინტენსიურ რეჟიმში გაგრძელდეს, იმედი მაქვს, შედეგიანი აღმოჩნდება და რეალურად გადაიდგმება ნაბიჯები ოპოზიციის მხრიდან საიმისოდ, რათა შეთანხმება შედგეს. ეს არის ამ წუთას მთავარი, რომ ოპოზიციის განწყობა იყოს ორიენტირებული შეთანხმების მიღწევაზე. საკითხს იმასთან დაკავშირებით პრემიერი უშუალოდ რა ინფორმაციას მიაწვდის ვიზიტის დროს ევროპელ კოლეგებს, ალბათ, ეს იქნება ინფორმაცია მიმდინარე მოლაპარაკებებთან დაკავშირებით ან იმ გარემოებების შესახებ, რაც მისი ხედვით შეიძლება აბრკოლებდეს ამ მოლაპარაკებების პროცესს.

ამ შემთხვევაში შეთავაზება, რომელიც გაკეთდა ჩვენი მხრიდან საკმარისი რესურსი აქვს ამ პირობებს, რომ რეალურად შეთანხმებას უნდა მივაღწიოთ. რაც შეეხება ოპოზიციის მხრიდან, მე ვფიქრობ, რომ მათი დამოკიდებულება იმთავითვე არ ყოფილა კონსტრუქციული და ეს მოცემულობა ჩემი აზრით, გრძელდება“, - განაცხადა მიხეილ სარჯველაძემ.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო