„საია“ და „მწვანე ალტერნატივა“ ნამახვანის ჰესების კასკადზე გარემოსდაცვითი გადაწყვეტილების მოქმედების შეჩერებას ითხოვენ.

NGO-ები მშენებლობის ნებართვის შესაჩერებლად სასამართლოს მიმართავენ.

„2021 წლის  05 მარტს საია და მწვანე ალტერნატივა  ადგილობრივი მოსახლეობის ინტერესების დასაცავად თბილისის საქალაქო სასამართლოს შუამდგომლობით მიმართავენ და გარემოს დაცვისა და სოფლის მეურნეობის მინისტრის იმ ბრძანების მოქმედების შეჩერებას მოითხოვენ, რომლითაც ნამახვანის ჰესების კასკადზე დადებითი გარემოსდაცვითი  გადაწყვეტილება გაიცა.

საქმისათვის სარჩელის უზრუნველყოფის ღონისძიების გამოყენება კრიტიკულად მნიშვნელოვანია, რადგან გასაჩივრებული აქტის  აღსრულება არსებით  და შეუქცევად ზიანს აყენებს როგორც ბუნებრივ, ასევე კულტურულ  გარემოს, საფრთხეს უქმნის  ადამიანების სიცოცხლეს,  ჯანმრთელობას და  შეუძლებელს ხდის მათი კანონიერი უფლებებისა და ინტერესების  დაცვას. აქტის მოქმედებით დამდგარ ზიანსა და უკანონობას ადასტურებს წყალტუბოს მაგისტრატ სასამართლოში მიმდინარე ადმინისტრაციული სამართალდარღვევის საქმეც შპს „ენკა რინიუებლზის“ მიერ  გარემოსდაცვითი გადაწყვეტილებით განსაზღვრული მთელი რიგი პირობების შეუსრულებლობასთან დაკავშირებით“, - აღნიშნულია საიას მიერ გავრცელებულ ინფორმაციაში.

შეგახსენებთ, რომ რიონის ხეობის მოსახლეობა ნამოხვაჰესის მშენებლობის წინააღმდეგ 132-ე დღეა აპროტესტებენ. ცნობილია ისიც, რომ დღეს პრემიერ-მინისტრის დავალებით ეკონომიკისა და მდგრადი განვითარების მინისტრი, ნათია თურნავა და სოფლის მეურნეობის, მინისტრი ლევან დავითაშვილი ნამახვანში ჩავლენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს