საბერძნეთმა კორონავირუსის გამო დაწესებული „ლოქდაუნი“ 16 მარტამდე გაახანგრძლივა.

ამის შესახებ ინფორმაციას The Guardian-ი ავრცელებს.

გამოცემის ცნობით, ქვეყანაში 2021 წელს ინფიცირების შემთხვევებმა საკმაოდ მოიმატა.

„ჩვენ პანდემიის ურთულეს ნაწილში ვართ. ჰოსპიტალიზაციის არსებული ტემპის გამო, ჯანდაცვის სისტემა ინფრასტრუქტურისა და პერსონალის თვალსაზრისით შესაძლებლობების საზღვრებს მიღმა აღმოჩნდა“, - განუცხადა ჯანდაცვის მინისტრმა ვასილის კიკილიასმა ჟურნალისტებს და აღნიშნა, რომ ათენის საზოგადოებრივი ჯანდაცვის რესურსები კვირეების განმავლობაში „გაუსაძლის ზეწოლას“ განიცდიდა.

მისივე თქმით, ქვეყანაში მნიშვნელოვნად გაიზარდა კორონავირუსის ე.წ. ბრიტანული შტამით ინფიცირების შემთხვევები.

ამასთან, დღეიდან ქვეყანაში კორონავირუსის გამო დაწესებული შეზღუდვები კიდევ უფრო გამკაცრდება.

ცნობისთვის, საბერძნეთში, გასული დღე-ღამის განმავლობაში, კორონავირუსის 2 702 ახალი შემთხვევა გამოვლინდა და 40 ადამიანი გარდაიცვალა.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა