2021-03-03 15:45:44, 498 ნახვა

---

გიგა ბოკერია - ვხედავთ სიცრუით სავსე კამპანიას, თითქოს გუშინ ოპოზიციის მშვიდობიანმა აქციამ მოლაპარაკებებს პრობლემა შეუქმნა

„ვხედავთ სიცრუით სავსე კამპანიას, თითქოს გუშინ ოპოზიციის მშვიდობიანმა აქციამ მოლაპარაკებებს პრობლემა შეუქმნა“, - ამის სესახებ „ევროპული საქართელოს“ ლიდერმა, გიგა ბოკერიამ განაცხადა.

როგორც ბოკერია ამბობს, ხელისუფლების პოზიცია სრულიად არალეგიტიმურია.

„ჩვენ ვხედავთ სრულიად საფუძველმოკლებულ ტრადიციულად სიცრუით სავსე კამპანიას, როგორც მთავრობისგან, ასევე მთავრობას დაახლოებული სპიკერებისგან სხვა პარტიებიდან, რომ გუშინ ოპოზიციის სრულიად მშვიდობიანმა და ლეგიტიმურმა აქციამ პრობლემა მოლაპარაკებებს შეუქმნა. ეს არის სრულიად არალეგიტიმური პოზიცია, სიცრუით სავსე და სწორედ ამიტომ, ჩვენ მივიღეთ გადაწყვეტილება, რომ აქციების ფორმა შევცვალოთ“, - განაცხადა ბოკერიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი