სამოქალაქო აქტივისტება ბიძინა ივანიშვილის რეზიდენციასთან ხვალ აქცია დაანონსეს.

ამის შესახებ მოძრაობა "საქართველოსთვის" დამფუძნებელმა ლაშა ხუსკივაძემ ჟურნალისტებს განუცხადა.

როგორც ის აცხადებს, აქცია 12:00 საათზეა დაგეგმილი.

მისივე თქმით, ბიძინა ივანიშვილს ოპოზიციის ყველა მოთხოვნის შესრულება მოუწევს.

"ჩვენ, ადამიანებმა, რომლებიც 24 საათის განმავლობაში აპროტესტებენ მოპარულ არჩევნებს და ითხოვენ პოლიტპატიმრების გათავისუფლებას, მივიღეთ გადაწყვეტილება პერმანენტულად დავიწყოთ ე.წ გასვლითი აქციები.

ხვალ, 12:00 საათზე ბიძინა ივანიშვილის სასახლესთან გვექნება პირველი გასვლითი აქცია, სადაც მას შევახსენებთ, რომ ყველა იმ უბედურების სათავე, რაც დღეს საქართველოში ხდება, სწორედ ისაა და ის არის ამ ყველაფერზე პასუხისმგებელი.

ამიტომ, ხვალიდან დაიწყება პერმანენტული აქციები და ყველა ტრიბუნიდან შევახსენებთ ბიძინა ივანიშვილს, რომ დღეს ქვეყანაში რაც ხდება, ყველაფრის, ყველანაირი უბედურების სათავე სწორედ ისაა. მას მოუწევს პოლიტპატიმრების გათავისუფლება, მოუწევს ხელახალი არჩევნების ჩატარებაც და მოუწევს ცესკო-ს ადმინისტრაციის ცვლილებაც",- განაცხადა ხუსკივაძემ.

შეგახსენებთ, რომ ამ დროისთვის პარლამენტის შენობასთან 14 კარავია გაშლილი.

ავტორი: ექსპრესნიუსი,

სოციალური ქსელები

იტალიამ ხმელთაშუა ზღვაში პუტინის „ჩრდილოვანი ფლოტის“ კუთვნილ ტანკერზე ჯარები გადასხა

მოსკოვის რესტორანში მომხდარი აფეთქების შედეგად, შესაძლოა, რუსეთის საჰაერო ძალების მთავარსარდლის ქალიშვილი დაშავდა

რუსეთმა ივლისში უკრაინის მიმართულებით რეკორდული რაოდენობის რაკეტები ისროლა

ივლისში რუსეთის არმიის დანაკარგებმა მთელი ომის რეკორდულ მაჩვენებელს მიაღწია