2015-10-08 09:32:33, 427 ნახვა
პოლიტიკა
თინა ხიდაშელი ნატოს წევრი ქვეყნების მუდმივ წარმომადგენლებს შეხვდა
ბრიუსელში ნატოს თავდაცვის მინისტერიალის ფარგლებში, საქართველოს თავდაცვის მინისტრი თინათინ ხიდაშელი ალიანსის წევრი ქვეყნების მუდმივ წარმომადგენლებს შეხვდა.
თავდაცვის სამინისტროს ინფორმაციით, შეხვედრა ნატოში რუმინეთის მუდმივი წარმომადგენლის სტელიან სტოიანის ორგანიზებით გაიმართა.
მხარეებმა საქართველოს ნატოში გაწევრიანების პროცესი, რეგიონში არსებული უსაფრთხოების გარემო და არსებული გამოწვევები განიხილეს. საუბარი შეეხო საქართველოსთვის 2016 წლის ნატოს ვარშავის სამიტის მნიშვნელობას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
