„ევროპული საქართველოს“ ლიდერის, დავით ბაქრაძის განცხადებით, თუ „ქართულმა ოცნებამ“ ასე გააგრძელა, სანქციების შემოღება დროის საკითხი იქნება.

როგორც მან აღნიშნა, ამერიკელი კონგრესმენები ოფიციალურად გვეუბნებიან, რომ საქართველოს ნატოში გაწევრიანების გზა წარსულში დარჩა.

„ის, რასაც დღეს ვხედავთ აღარ არის კრიტიკის ტალღა, ეს არის კრიტიკის ზვავი, რომელიც „ქართული ოცნების“ ერთმა ნაწილმა დაატეხა საკუთარ თავსაც და ჩვენს ქვეყანასაც. როდესაც ამერიკის კონგრესის ორივე პალატის ოთხი წამყვანი კონგრესმენი, რომელთა ხელშიც არის ამერიკასთან ურთიერთობა, ოფიციალურად დაწერილ ტექსტში იყენებს ტერმინს პოლიტიკური პატიმარი და ახსენებს კონკრეტულ გვარებს; როდესაც ეს ადამიანები ოფიციალურად გვეუბნებიან, რომ საქართველოს ნატოში გაწევრიანების გზა არის წარსულში, ამ გზაზე გარდაუვლად იქნება სანქციები. მე ყოველთვის სკეპტიკურად და ფრთხილად ვუყურებდი სანქციების რეალისტურობას, მაგრამ დღეს დარწმუნებული ვარ, თუ „ქართულმა ოცნებამ“ ასე გააგრძელა, სანქციების შემოღება არის უბრალოდ დროის საკითხი“, - განაცხადა დავით ბაქრაძე.

ავტორი: ექსპრესნიუსი,

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც