ეს არის დემოკრატიული, ევროპული, თანამედროვე ქვეყნების სტანდარტი, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა, რითიც გამოეხმაურა „ნაციონალური მოძრაობის“ ოფისსზე სპეცრაზმის შტურმს.

როგორც ირაკლი ღარიბაშვილმა აღნიშნა, დღეს ჩვენ გავხდით მომსწრენი, რომ გვყავს ძლიერი და სამართლებრივი სახელმწიფო, ეფექტური შინაგან საქმეთა მინისტრი და პოლიცია.

მან კვლავ გაუსვა ხაზი და აღნიშნა, რომ ნიკა მელია კრიმინალია.

„დღეს ჩვენ გავხდით მომსწრენი იმისა, რომ ვართ სამართლებრივი, ძლიერი სახელმწიფო, გვყავს ძლიერი პოლიტია, ეფექტური შს მინისტრი, მინდა საჯაროდ ბატონ გომელაურს მადლობა გადავუხადო და პოლიციას, იმითვის, რომ მათ დაიცვეს სახელმწიფოს ღირსება. ჩვენი სახელმწიფოს სტაბილურობა და კიდევ ერთხელ ყველას შეგახსენებთ, რომ ჩვენ ვართ სამართლებრივი სახელმწიფო.

მე გუშინ ვრცლად ვისაუბრე ნიკა მელიასთან დაკავშირებით, კიდევ ერთხელ მინდა გავაკეთო შემდეგი კომენტარი, რომ ნიკა მელია არის კრიმინალი.

რაც შეეხება ზოგადად პრაქტიკას და გამოყენებულ მეთოდებს, ეს არის აბსოლუტურა ცივილიზებული, დემოკრატიული ქვეყნების უმაღლესი სტანდარტი, დღეს ჩვენმა გმირმა პოლიციამ აჩვენა უმაღლესი სტანდარტი, ის რაც არის ევროპული, თანამედროვე, ამერიკული სტანდარტების შესაბამისი“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით