ფრაქცია „ქართული ოცნების“ თავმჯდომარის, მამუკა მდინარაძის განცხადებით, ოპოზიცია 25 თებერვალს დაგეგმილი აქციის გადადებას კომპრომისად ყიდის.

როგორც მან პარლამენტში გამართულ ბრიფინგზე აღნიშნა, „ქართული ოცნება“ მოლაპარაკებების მაგიდიდან არსად წასულა.

„ჩვენ არაერთი ნაბიჯი გადავდგით, ყველა საკითხზე კონკრეტული პასუხები და კონკრეტული ნაბიჯები გავეცით. ბოლოს ისიც კი ვთქვით, რომ მოვდივართ რიგგარეშე არჩევნებზე თუ 1%-იან გადახრას მაინც ნახავთ. ესეც არ უნდათ. შესაბამისად, ეს იმას ნიშნავს, რომ „ქართული ოცნება“ არსად წასულა მოლაპარაკებების მაგიდიდან, იქ ვართ ყველანი განწყობითაც და პასუხისმგებლობითაც. ახლა არის ჯერი ოპოზიციაზე და კომპრომისად იმას კი ნუ გაყიდიან, რაც არ ქონდათ ხელში. არ აქვს მნიშვნელობა 10 ათასი თუ 100 ათასი ადამიანი იქნება. მათ არ ჰქონდათ პერსპექტივა, რომ დაეორგანიზებინათ რაც მათ უნდათ ისეთი აქცია. შესაბამისად, ახლა ამ აქციის გადადებას კომპრომისად ყიდიან. ალბათ ამ კომპრომისის ხარისხს საზოგადოება კარგად აწონის“, - განაცხადა მამუკა მდინარაძემ.

ცნობისთვის, ოპოზიციურმა პარტიებმა, ხელისუფლებისთვის მოლაპარაკებების შეთავაზების პარალელურად, 25 თებერვალს დაანონსებული აქცია გადადეს.

ავტორი: ექსპრესნიუსი,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს