უმრავლესობის ლიდერი მამუკა მდინარაძე ლიეტუვის პარლამენტის საგარეო ურთიერთობათა კომიტეტის თავმჯდომარის, ჟიგიმანტას პავილიონისის განცხადებას აბსოლუტურად მიუღებელს უწოდებს.

როგორც მამუკა მდინარაძემ აღნიშნა, საქართველოსთვის ოკუპირებული ტერიტორია არის ტკივილი და ამ ტერიტორიის დაკარგულად მოხსენებას, საქართველოს მოსახლეობა არ შეეგუება.

„როგორც ჩემთვის ცნობილი ხდება, ჩვენთვის ერთ-ერთი პარტიორი, მეგობარი ქვეყნის წარმომადგენელი, რომელიც ბოლო დღეების განმავლობაში ცდილობს, რომ შეასრულოს ფასილიტატორის როლი, ვფიქრობ, ცოტა გასაკვირია, რადგან ამ როლს, საკმაოდ წარმატებით ართმევენ თავს ჩვენი მთავარი სტრატეგიული პარტნიორები ქვეყნის აშშ-ის ელჩი და ევროკავშირის ელჩი, რისთვისაც მათ კიდევ ერთხელ უნდა გადავუხადოთ მადლობა, მაგრამ ჩემთვის ცნობილი ხდება, ჩვენი ერთ-ერთი პარტნიორი, მეგობარი ქვეყნის კონკრეტული ადამიანის განცხადებები და ბოლოს, როგორც აღმოჩნდა, მისი განცხადებებში ასეთი ფრაზაც იყო, რომ თქვენ უკვე დაკარგეთ ტერიტორიები და ახლა იმედს კარგავთ, აბსოლუტურად მიუღებელია მსგავსი განცხადება. ჩვენი ქვეყნის ოკუპირებულ ტერიტორიებთან მიმართებით, თუ ვინმეს ჰგონია, რომ ანექსიაზე უნდა ილაპარაკოს, განვეწყობით ამგვარად, ჩვენი ტერიტორიების ოკუპაცია, არის ჩვენი ერთ-ერთი მთავარი ტკივილი და აბსოლუტურად მიუღებელია, თუ ამ ოკუპირებულ ტერიტორიებს ვინმე დაკარგულად მოიხსენიებს, ამას საქართველოს მოსახლეობა და საქართველო არასდროს შეეგუება“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს