„სტრატეგია აღმაშენებლის“ ლიდერის, გიორგი ვაშაძის განცხადებით, ოპოზიციის სრული სპექტრი მზად არის, რომ ქვეყანაში დაიწყოს მოლაპარაკებები ხელისუფლებასთან.

როგორც გიორგი ვაშაძემ ბრიფინგზე აღნიშნა, პოლიტიური კრიზისი და მძიმე პოლიტიკური ფონი არსად გამქრალა და კვლავ მნიშვნელოვანია სახელმწიფოს გადაწყვეტილებები, ყველა მიმართულებით.

მანვე დასძინა, რომ ხელისუფლებასთან მოლაპარაკებებზე ოპოზიციას განსახილველად წარდგენილი ექნება ოთხი საკითხი: ნიკა მელიას საქმე, გიორგი რურუას პატიმრობიდან გათავისუფლება, რიგგარეშე არჩევნები და ახალი, სრულად პროპორციული საარჩევნო სისტემა.

„დღეს ცალსახად უნდა ვთქვათ, რომ პოლიტიკური კრიზისი, მძიმე პოლიტიკური ფონი არსად გამქრალა და კვლავ ძალიან მნიშვნელოვანია სახელმწიფო გადაწყვეტილებები ყველა მხარის მხრიდან. „ქართულ ოცნებას“ აქვს არჩევანი დაპირისპირება ან შეთანხმება და თანამშრომლობა, სრულიად ოპოზიციური სპექტრი მზად ვართ მოლაპარაკებებისთვის და შეთანხმებისთვის მთელი ცივილიზებული სამყარო, აშშ, ევროკავშირი, ყველა ჩვენი მხარდამჭერი მოუწოდებს „ქართულ ოცნებას“, ხელი აიღოს მართლმსაჯმულების პოლიტიკური ნიშნებით გამოყენებისთვის, დაუჯდეს მოლაპარაკებების მაგიდას და დავიწყოთ მოლაპარაკებებისთვის მზადება.

ჩვენმა მეგობარმა ელჩებმა გამოთქვეს მზადყოფნა, რაც შეიძლება სწრაფად დაიწყოს მოლაპარაკების პროცესი, რომელიც უნდა შეეხებოდეს ოთხივე საკითხს, რომელიც იყო წაყენებული ოპოზიციის მხრიდან, სამართლებრივად უნდა გადაწყდეს ნიკა მელიას სამართლებრივად დაკავების საკითხი, იმედი მაქვს, ამ თემაზე აღარც კი ფიქრობს „ქართული ოცნება“, დაუყოვნებლვ უნდა გათავისუფლდეს გიორგი რურუა, აუცილებელია სასწრაფოდ დაიწყოს საარჩევნო რეფორმა, ისე როგორც ეს იყო მოლაპარაკების მაგიდაზე, შეიცვალოს საარჩევნო სისტემა და რაც მთავარია, შევთანხმდეთ რიგგარეშე არჩევნების თარიღზე“,  - განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.