მსოფლიოსა და საქართველოში არსებული პანდემიური ვითარების გამო, იუსტიციის მინისტრის ბრძანების საფუძველზე, შეჩერებულია გამოსახლების საქმეების წარმოების პროცესის მხოლოდ ერთი კომპონენტი -  სახლიდან  იძულებით გამოყვანა.

ამის შესახებ „ექსპრესნიუსს“ აღსრულების ბიურომ განუცხადა.

„რაც შეეხება სხვა კომპონენტებს, აღსრულების ეროვნულ ბიუროში გამოსახლების საქმეების წარმოება ჩვეულებრივ მიმდინარეობს. უფრო მეტიც, 2020 წლის აპრილიდან დეკემბრის ჩათვლით, იმ პერიოდში, როდესაც შეჩერებული იყო სახლიდან იძულებით გამოყვანის პროცესი, აღსრულების პოლიციამ გამოსახლების კატეგორიის 37 საქმე დაასრულა მორიგებით, რაც იმას ნიშნავს, რომ აღსრულების ბიურო ხელმძღვანელობს მსოფლიოს მოწინავე ქვეყნების საუკეთესო პრაქტიკით და დავების გადაჭრისას, ორიენტირებულია მათ მორიგებაზე და არა - იძულების ღონისძიებებზე.

იმ  შემთხვევებში კი, სადაც მხრეებს შორის მორიგების მიღწევის შესაძლებლობები სრულადაა ამოწურული, აღსრულების ეროვნული ბიურო იძულების ღონისძიებების განხორციელებას  განაახლებს მას შემდეგ, რაც ქვეყანაში არსებული ეპიდემიოლოგიური ვითარება ამის საშუალებას მისცემს“, - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს