ნებისმიერი რევოლუცია იქნება მომაკვდინებელი ჩვენი ეკონომიკისთვის და ამას არ დავუშვებთ, - ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა.

როგორც მინისტრმა საკოორდინაციო საბჭოს დასრულების შემდეგ, ბრიფინგზე აღნიშნა, მმართველი გუნდის მიზანია ევოლუცია, 2024 წელს ევროკავშირში გაწევრიანებაზე განაცხადის გაკეთება და არა 30 წლით უკან დაბრუნება.

„არის ძალიან მკვეთრად გამოხატული რადიკალური, დესტრუქციული ოპოზიციის დაჯგუფება, რომლის გზაც არ არის ევოლუციური, არ არის არჩევნები და ეს გზა არის იმედი, რომ მიეცემათ საშუალება სოციალური პრობლემების, ეკონომიკური პრობლემების ფონზე მღვრიე წყალში დაიჭირონ თევზი და მოქალაქეებს ამბოხისკენ მოუწოდონ. ჯერ ერთი, ნებისმიერი რევოლუცია იქნება მომაკვიდნებელი ჩვენი ეკონომიკისთვის და ზოგადად ქვეყნისთვის და ისევე, როგორც შს მინისტრი ამბობს, ჩვენ ამას უბრალოდ არ დავუშვებთ, მოსახლეობას შეიძლება ჰქონდეს ჩვენი იმედი ამ ნაწილში, რომ არავითარი მშვიდობიანი, ევოლუციური გზიდან გადახვევა არ იქნება, როგორც აქამდე არ დაგვიშვია ისე არ დავუშვებთ, ჩვენ სწორედ ვართ ის პოლიტიკური ძალა, რომელმაც მოიტანა მშვიდობა,ევოლუციური განვითარება, პროგრესი და ჩვენი მიზანია 2024 წელს გავაკეთოთ განაცხადი ევროკავშირში და არა უკან გადავაგდოთ ქვეყანა 10-20-30 წლით“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს