დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ მოსახლეობის უნდობლობა ვაქცინისადმი სწორი ინფორმაციის ნაკლებობამ გამოიწვია.

აღნიშნულის შესახებ ამირან გამყრელიძემ საკოორდინაციო საბჭოს დასრულების შემდეგ, ბრიფინგზე განაცხადა.

"მე ვერ გეტყვით, რომ ეს შემცირება სტატისტიკურად ძალიან სარწმუნოა, ეს მარტო კოვიდვაქცინაზე არ არის, ანტივაქსერული მოძრაობა არის ძალიან ძლიერი მოძრაობა მსოფლიოში და ჩემი აზრით, ერთ-ერთი ამის მთავარი მიზეზია სწორი ინფორმაციის ნაკლებობა საზოგადოებაში.

ამ პანდემიის დამარცხების გზა 3-4 მიმართულებაზე გადის, ერთი არის სწორი და გონივრული, დროულად დაწესებული შეზღუდვები, მეორეა მოსახლეობის მასობრივი ვაქცინაცია, მესამე გახლავთ ის, როდესაც მე დარწმუნებული ვარ, რომ ამ წლის შუა რიცხვებში იქნება ე.წ პირდაპირი მოქმედების ანტივირუსული წამლები და მათი გამოყენება და ერთი, რომელიც განსახილველია, ვირუსი დაამთავრებს თავის ე.წ ბიოლოგიურ ციკლს და შესუსტდება", - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს