საქართველოს მთავრობამ უნდა გამოიძიოს ყველა საარჩევნო გადაცდომა და გამოასწოროს ხარვეზები, - ამის შესახებ რუმინელმა დეპუტატმა ტიტუს კორლატეანმა ევროსაბჭოს საპარლამენტო ასამბლეის სხდომაზე განაცხადა, სადაც საქართველოში ჩატარებული საპარლამენტო არჩევნების შესახებ დებატები გაიმართა.

ამასთანავე, რუმინელმა დეპუტატმა ოპოზიციას პარლამენტში შესვლისკენ მოუწოდა.

„მინდა კიდევ ერთხელ ხაზგასმით აღვნიშნო, რომ მნიშვნელოვანია გამოსწორდეს ხარვეზები. ისმოდა ბრალდებები არჩევნებში გადაცდომების შესახებ. მე დავამატებდი პოლარიზაციის საკითხს. ეს არის შემაშფოთებელი სიტუაცია. ჩვენ უნდა წავახალისოთ როგორც მმართველი ძალა, ასევე ოპოზიცია, რათა გაგრძელდეს დიალოგი და აღმოიფხვრას ეს პოლარიზაცია. მთავრობამ უნდა გამოიძიოს ყველა გადაცდომა და სათანადოდ გამოასწოროს ხარვეზები, რაც უნდა ეფუძნებოდეს ეუთო/ოდირის, ევროსაბჭოს საპარლამენტო ასამბლეისა და ვენეციის კომისიის რეკომენდაციებს.

მე კიდევ ერთხელ მოვუწოდებ ოპოზიციას, დაბრუნდეს პარლამენტში. ეს არის ადგილი, სადაც უნდა იმართებოდეს დემოკრატიული დებატები. ჩვენ უახლოეს პერიოდში ვგეგმავთ დავბრუნდეთ საქართველოში და რეფორმების პროცესში მონაწილეობის გაგრძელებას“, - განაცხადა რუმინელმა დეპუტატმა ევროპის საბჭოს საპარლამენტო ასამბლეაზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს

საქართველოს ბანკის Student Card-ისა და sCool Card-ის მფლობელები ქუთაისში ტრანსპორტზე შეღავათიანი ტარიფით ისარგებლებენ