ოკუპირებული აფხაზეთის დე ფაქტო პრეზიდენტი ანატოლი ბიბილოვი სტრასბურგის სასამართლოს მიერ „საქართველო რუსეთის წინააღმდეგ“ საქმეზე მიღებულ გადაწყვეტილებას ეხმაურება.

როგორც ანატოლი ბიბილოვი აღნიშნავს, სტრასბურგის სასამართლოს გადაწყვეტილების დოკუმენტი ცალმხრივი და პოლიტიზირებულია.

მისივე განცხადებით, დოკუმენტში არაფერია საერთო ჭეშმარიტ მოვლენებთან და ფაქტებთან. 

„ამ დოკუმენტში არაფერია საერთო ჭეშმარიტ მოვლენებთან და ფაქტებთან, ცაკარნახევია კოლექტიური დასავლეთის ანტირუსული პოლიტიკური კურსით, რომელსაც ერთი წუთითაც არ უფიქრია სამხრეთ ოსეთის წინააღმდეგ ქართული აგრესიის დაგმობაზე და ქართველი სამხედროების დანაშაულზე“, - განაცხადა ანატოლი ბიბილოვმა.

მანვე დასძინა, რომ 2008 წელს, საბრძოლო მოქმედებები სამხრეთ ოსეთის წინააღმდეგ „აგრესორმა“, კერძოდ, საქართველომ დაიწყო.

„სტრასბურგის სასამართლოს წარმოუდგენელი ძალისხმევა დასჭირდა, რომ ეღიარებინა აშკარა რამ, 2008 წელს საბრძოლო მოქმედებები სამხრეთ ოსეთის წინააღმდეგ, სწორედ ქართულმა ჯარებმა დაიწყეს და რუსეთმა შეძლო მიეღო გადამწყვეტი ზომები აგრესორის წინააღმდეგ“, - განაცხადა ანატოლი ბიბილოვმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა