ოპოზიცია „ქართულ ოცნებასთან“ ინდივიდუალური შეხვედრების გამართვას არ გეგმავს, - ამის შესახებ „ნაციონალური მოძრაობის“ წევრმა, ზაალ უდუმაშვილმა განაცხადა.

როგორც ის აღნიშნავს, იქით მიდის საქმე, რომ „მოქალაქეებსა“ და „ქართულ ოცნებას“  შორის რაღაც შეთანხმება შედგება.

„პოლიტიკაში ყველა საკუთარ გზას ირჩევს, შესაბამისად, გადაწყვეტილებებს იღებენ ინდივიდუალურად. რა შედეგს მოიტანს ეს შეხვედრა მე მგონი ამას საზოგადოება განსჯის. რაც შეეხება ოპოზიციას,, ჩვენ გვაქვს ჩვენი გეგმა, ჩვენ არ ვაპირებთ „ქართულ ოცნებასთან ინდივიდუალური შეხვედრების გამართვას. ერთადერთი ფორმატი, რომელიც არსებობს დღეს „ქართულ ოცნებასთან“ სასაუბროდ, ეს არის ჩვენი მეგობარი ელჩების შუამავლობით მიმდინარე მოლაპარაკებები.

სავარაუდოდ იქით მიდის საქმე, რომ რაღაცა შეთანხმება მათ შორის შედგება, არ დაიწყებოდა ალბათ ისე ეს საუბარი, თუმცა ეს ოპოზიციის გეგმებს არ ცვლის“, - განაცხადა ზაალ უდუმაშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა