ჯანდაცვის მინისტრის მოადგილის, თამარ გაბუნიას განცხადებით, ვაქცინის გვერდითი რეაქციების ანალიზში ჯანმოს ექსპერტები ჩაერთვებიან.

მისი თქმით, ეს იქნება კიდევ ერთი საფუძველი იმისთვის, რომ ყველა გვერდითი რეაქცია გაანალიზდეს და შეფასდეს საფუძვლიანად

„აუცილებელია ვაქცინის შემდგომი რეაქციების გვერდითი მონიტორინგი იმისთვის, რომ უზრუნველყოფილი იქნას ვაქცინაციის უსაფრთხოების პრობლემა. ამასთან დაკავშირებით ქვეყანაში უკვე არსებობს დიდი გამოცდილება. გასულ წელს იყო, როდესაც დაავადებათა კონტროლის ცენტრმა განაახლა გვერდითი რეაქციების მონიტორინგის გაიდლაინი, რაც დეტალურად განსაზღვრავს რა როგორ ხდება. თუმცა, წელს კოვიდთან მიმართებაში კიდევ დამატებითი რეკომენდაციები გამოიცა. ჩვენ დღეს დილით გვქონდა ზარი ჯანმრთელობის მსოფლიო ორგანიზაციის ცენტრალურ ოფისთან. მათგან მივიღეთ დახმარების შემოთავაზება, რაც უკავშირდება უახლესი მეთოდებისა და ფორმების დანერგვისთვის მასწავლებლების ტრენინგს, ასევე ექსპერტების უშუალო ჩართულობას. ამას ჰქვია მიზეზ-შედეგობრივი კავშირის დადგენა, როდესაც აღმოცენდება გვერდითი რეაქცია საჭიროა ჩატარდეს სპეციფიკური ანალიზი, რათა დადგინდეს რამდენად უკავშირდება ეს რეაქცია კონკრეტულ ვაქცინას.

ამ ტექნიკის განვითარებასთან დაკავშირებით ჩვენი ექსპერტები ფლობენ გარკვეულ გამოცდილებას, თუმცა ჩვენ მაინც მოვითხოვეთ საერთაშორისო ექსპერტების მონაწილეობა. ამაზე მივიღეთ წინასწარ თანხმობა. ეს იქნება კიდევ ერთი საფუძველი იმისთვის, რომ ყველა გვერდითი რეაქცია გაანალიზდეს და შეფასდეს საფუძვლიანად, რათა ვიცოდეთ უკავშირდება თუ არა ის ვაქცინას. მოსახლეობას აუცილებლად მიეწოდება ინფორმაცია ვაქცინების გვერდითი ჩვენებების შესახებ. ასევე სამედიცინო დაწესებულები, რომლებიც პირველ ეტაპზე ჩაერთვებიან ვაქცინაციის პროცესში, დეტალურ ტრენინგს გაივლიან მოსალოდნელი გვერდითი რეაქციების მართვაში“, - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

საფეხბურთო კლუბი იბერია სავიზო პრობლემების გამო ჩრდილოეთ ირლანდიაში გამგზავრებას ვერ ახერხებს

ინფანტინო ტრამპის ადმინისტრაციას FIFA-ს პრეზიდენტობის შენარჩუნებაში დახმარებას სთხოვს

SOCAR უზრუნველყოფს ყაზახური და თურქმენული ნავთობის ტრანზიტს ყულევის ნავთობგადამამუშავებელ ქარხანაში

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა