2021-01-14 21:17:52, 1875 ნახვა
ეკონომიკა
აშშ-სა და საქართველოს შორის 5G ქსელების უსაფრთხოების შესახებ მემორანდუმი გაფორმდა
აშშ-სა და საქართველოს შორის მეხუთე თაობის უსადენო საკომუნიკაციო ქსელების (5G) უსაფრთხოების შესახებ მემორანდუმზე ხელმოწერა ონლაინ რეჟიმში გაიმართა.
ინფორმაციას ამის შესახებ საქართველოს ეკონომიკისა და მდგრადი განვითარების სამინისტრო ავრცელებს.
მემორანდუმში აღნიშნულია, რომ საქართველო Clean Network-ის ინიციატივას შეუერთდა.
მემორანდუმის ფარგლებში შესაძლებელია სანდო მომწოდებლებისგან 5G ქსელის უსაფრთხოებისათვის საჭირო აპარატურისა და პროგრამული უზრუნველყოფის პროდუქტების გამოყენება, მოქალაქეთა კონფიდენციალურობისა და სატელეკომუნიკაციო ინფრასტრუქტურაზე არასანქცირებული წვდომისგან დაცვა და ეროვნული უსაფრთხოების უზრუნველყოფა.
ავტორი: ექსპრესნიუსი,
epn.ge (@expressnews.ge)
