„ამნისტიის შესახებ“ კანონი დღეიდან ძალაში შევიდა და პატიმრები სასჯელაღსრულების დაწესებულებას უახლოესი 1 თვის განმავლობაში დატოვებენ.

როგორც საპარლამენტო უმრავლესობის წევრმა, მიხეილ სარჯველაძემ განაცხადა, ამნისტია შეეხება 1 500-ზე მეტ მოქალაქეს, რომელიც ამჟამად საპატიმროში იმყოფება.

„დანაშაულების იმ მაწილზე, რომელსაც ნაკლებად აქვს წინაპირობები და პირდაპირ

ითვალისწინებს პირთა გათავისუფლებას სასჯელისგან, ასეთ შემთხვევაში ეს მხოლოდ უწყებების აღსასრულებელი საქმეა.

იმ დათქმების შემთხვევაში, რომელიც გულისხმობს ზიანის ანაზღაურებას ან დაზარალებულის თანხმობის წარმოდგენას, ამისთვის განსაზღვრულია შედარებით ხანგრძლივი პერიოდი და ეს უკვე უშუალოდ მსჯავრდებულ პირებზე იქნება დამოკიდებული, რომელთაც ექნებათ შესაძლებლობა, ამ გაზრდილი ვადის, 6-თვიანი ვადის განმავლობაში წარუდგინონ შესაბამის უწყებებს ასეთი ინფორმაცია და მოიპოვონ ის შეღავათი, რომელიც მათ კანონის საფუძველზე აქვთ მინიჭებული

სარჯველაძის განცხადებით, საკმაოდ ფართოა წრე ადამიანებისა, რომლებსაც „ამნისტიის შესახებ“ კანონი ადგენს. ამნისტია შეეხება 1 500-ზე მეტ მოქალაქეს, რომელიც საპატიმროში იმყოფება. ასევე, დაახლოებით ექვსი ათასზე მეტ პრობაციონერს და ოთხი ათას ისეთ პირს, რომელსაც 2012 წლის პირველ ოქტომბრამდე დაკისრებული ჰქონდა სისხლის სამართლის განაჩენით ჯარიმები.“, – აღნიშნა მიხეილ სარჯველაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა