საქართველოს პრეზიდენტი გიორგი მარგველაშვილი, ვაშინგტონში ვიზიტის ფარგლებში, სტრატეგიული და საერთაშორისო კვლევების ცენტრის წევრებს შეხვდა.

პრეზიდენტის ადმინისტრაციის პრესსამსახურის ინფორმაციით, ქვეყნის პირველმა პირმა პირისპირ საუბარი გამართა  სტრატეგიული და საერთაშორისო კვლევების ცენტრის პრეზიდენტ  ჯონ ჰეიმრესთან და ცენტრის სამეურვეო საბჭოს წევრ და მრჩეველ ზბიგნევ ბრზეჟინსკისთან.

დახურული შეხვედრა მრგვალი მაგიდის ფორმატში წარიმართა და რეგიონში არსებული უსაფრთხოების საკითხებზე და გამოწვევებზე ისაუბრეს.

ქვეყნის პირველმა პირმა აქცენტი დასავლეთის როლის კიდევ უფრო გაძლიერებაზე გააკეთა და აღნიშნა, რომ აუცილებელია, აშშ-მ და ევროპამ ტრადიციული ლიდერობა ითავონ, რათა  საქართველოს ტერიტორიული მთლიანობის  მხარდაჭერის და არაღიარების პოლიტიკა კიდევ უფრო გაძლიერდეს.

შეხვედრისას საუბარი შეეხო საქართველოს  ნატო-სა და ევროკავშირში ინტეგრაციის საკითხებს.  დელეგაციამ აქცენტი გაამახვილა საქართველოში მიმდინარე  იმ რეფორმებზე, რომელსაც  ჩვენი ქვეყანა ინტეგრაციის პროცესის დასაჩქარებლად ახორციელებს.

სტრატეგიული და საერთაშორისო კვლევების ცენტრის ექსპერტები საქართველოში არსებული შიდა პოლიტიკითაც დაინტერესდნენ და ქვეყანაში არსებული მდგომარეობის შესახებ ინფორმაცია პირადად პირველი პირისგან მოისმინეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ სანქტ-პეტერბურგში სამიზნეები დაბომბა

ბათუმში უვადო პატიმრობა მიუსაჯეს არასრულწლოვანის გაუპატიურებაში ბრალდებულს

მიხაელ როთი ყაველაშვილის ირანში ჩასვლაზე – სირცხვილი! საწყალი საქართველო

ავალიანის საქმეზე ბრალდებულ გიორგი მალანიას პატიმრობა შეეფარდა