2020-12-25 09:52:59, 1135 ნახვა
მსოფლიო
დიდ ბრიტანეთში გამოვლენილი კორონავირუსის ახალი სახეობა გერმანიაშიც დაფიქსირდა
გერმანიაში კორონავირუსის ახალი სახეობა დაფიქსირდა.
ამის შესახე „დოიჩე ველე“ წერს.
გამოცემის ცნობით, ვირუსი ერთ-ერთ ქალბატონს დაუდგინდა, რომელიც ლონდონიდან ფრანკფურტში ჰითროუს აეროპორტიდან ჩაფრინდა.
გერმანიის ხელისუფლება აცხადებს, რომ შესაძლებელია ვირუსი დიდი ბრიტანეთისა და სამხრეთ აფრიკის ფარგლებს გარეთაც გავრცელდეს.
გერმანიის ჯანდაცვის მინისტრის განცხადებით, ქალი, რომელსაც კორონავირუსის ახალი სახეობა აღმოაჩნდა, აეროპორტიდანვე იზოლირებულ სივრცეში გადაიყვანეს.
აღნიშნული ფაქტის გამო, გერმანიამ დიდ ბრიტანეთთან საჰაერო მიმოსვლა რამდენიმე საათში შეზღუდა. მსგავსი შეზღუდვები ბრიტანეთის მიმართულებით მსოფლიოს რამდენიმე ქვეყანამ დააწესა.
ავტორი: ექსპრესნიუსი,
epn.ge (@expressnews.ge)
