პუნქტების რაოდენობა, სადაც შეიძლება კორონავირუსზე ტესტირება ჩატარდეს, შესაძლოა გაიზარდოს, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა.

მისივე თქმით, კორონავირუსზე ტესტირება შესაძლოა აფთიაქებსა და სტომატოლოგიურ კლინიკებშიც ჩატარდეს, თუმცა აღნიშნულთან დაკავშირებით საბოლოო გადაწყვეტილება ჯერ არ არის მიღებული.

„აფთიაქების დამატება არ არის გამორიცხული, ტესტირების აღებისთვის შესაბამისი სივრცეა საჭირო. თუ ვნახავთ, რომ კლინიკები საკმარისი არ არის, შესაძლოა ესეც განხილული იყოს. აფთიაქში უნდა იყოს საშუალება, რომ იქ გამოიყოს ტესტირებისთვის სპეციალური სივრცე. ვფიქრობ, რომ თუ თბილისის მასშტაბით 40 ამბულატორია არ იქნება საკმარისი, შეიძლება ეს გადაწყვეტილება მივიღოთ. გარდა ამისა, შესაძლოა გამოყენებული იყოს სტომატოლოგიური კლინიკებიც“, - აღნიშნა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა