ეროვნული უშიშროების საბჭოზე უფრო მაღალი პოლიტიკური ფორმატი ქვეყნის უსაფრთხოების განსახილველად, სახელმწიფოში არ არსებობს,“ – ასე უპასუხა საქართველოს პრეზიდენტმა გიორგი მარგველაშვილმა ჟურნალისტების შეკითხვას: საბჭოს სხდომაზე პრემიერ-მინისტრის არ დასწრებამ, ხომ არ შექმნა პრობლემა კვორუმთან დაკავშირებით.

პრეზიდენტის შეფასებით, საბჭოზე თათბირი ქვეყნისთვის საშური საქმეა.

„ეროვნული უშიშროების საბჭო არის ერთ-ერთი ყველაზე მნიშვნელოვანი კონსტიტუციური ორგანო, რომელიც იკრიბება ქვეყნის უსაფრთხოების საკითხების განსახილველად. ამ საკითხების განხილვისთვის ეს არის ყველაზე მაღალი ფორმატი, სადაც მონაწილეობას იღებს პრეზიდენტი, აღმასრულებელი ხელისუფლებაც და საკანონმდებლოც. სულ ახლახანს ჩვენ ხაზი გავუსვით ამ ფორმატის უაღრესად პოლიტიკურ მნიშვნელობას და გავაფართოვეთ ეროვნული უსაფრთხოების საბჭო, უფრო მეტი წევრი შევიყვანეთ ამ საბჭოში. შესაბამისად, ამაზე უფრო მაღალი პოლიტიკური ფორმატი ქვეყნის უსაფრთხოების განსახილველად სახელმწიფოში არ არსებობს. ამ საბჭოზე თათბირი ქვეყნისთვის ძალიან მნიშვნელოვანი და საშური საქმეა“ - განაცხადა გიორგი მარგველაშვილმა.

შეგახსენებთ, დღეს პრეზიდენტის ადმინისტრაციაში ეროვნული უშიშროების საბჭოს სხდომა გაიმართა, რომელსაც პრემიერ-მინისტრი ირაკლი ღარიბაშვილი არ დასწერებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანის მოქალაქე გარდაიცვალა თბილისში, რომელიც „ღირსების მიზნით მკვლელობის“ მსხვერპლი გახდა

ტრამპმა კომუნიზმს აშშ-ის თავისუფლებისთვის „მომაკვდინებელი საფრთხე“ უწოდა

პოლონეთის პრემიერ-მინისტრი უკრაინაში ომზე: მომდევნო თვეები შესაძლოა კრიტიკული იყოს

ტრამპმა გამოაქვეყნა ასდოლარიანი კუპიურის სურათი, რომელზეც მისი ხელმოწერაა გამოსახული