„ევროპული საქართველოს“ ლიდერის, დავით ბაქრაძის თქმით, ქართული ოცნების ხელისუფლება კიდევ უფრო ღრმა კრიზისიში შედის იმით, რომ ქუჩაში გამოსულ ადამიანებს, რომლებიც იცავენ საკუთარ ხმებს, უპირისპირებს საპოლიციო ძალებს.

ბაქრაძემ აღნიშნა, რომ პოლიციაზე, კლანსა და ფულზე დამდგარი ხელისუფლება საქართველოს ვერ ეყოლება და ამ ყველაფერ კვირას, 3 საათზე, ერთად გააპროტესტებს ქართველი ხალხი.

„ქართული ოცნების ხელისუფლება კიდევ უფრო აღრმავებს კრიზისს ქვეყანაში და თვითონაც უფრო ღრმად შედის კრიზისიში იმით, რომ ქუჩაში სიმართლისა და დემოკრატიის დასაცავად გამოსულ ადამიანებს,  რომლებიც ითხოვდნენ საკუთარი და საზოგადოების ხმების დაცვას, უპირისპირებს საპოლიციო ძალას და უპირისპირებს მოსამართლეების კლანს.

ამიტომ, ასეთი ხელისუფლება კიდევ უფრო ღრმა კრიზისიში შეიყვანს ქვეყანას, ეს არის გარდაუვალი და თითოეული ჩვენგანის ვალდებულებაა, ვისაც გვინდა ამ ქვეყანაში სიმშვიდე და ნორმალური მომავალი, გამოვიდეთ და ყველამ ერთად ვუთხრათ არა ამ ხელისუფლებას.

ამიტომ, ვერანაირი დაჭერებით გაყალბებული არჩევნების გამართლება ვერ მოხდება, საზოგადოების ხმა აუცილებლად უნდა გაიგონოს ხელისუფლებამ, მას სხვა გზა არ აქვს და ამ მიზნით კვირას, 3 საათზე ყველა უნდა შევიკრიბოთ და ვაჩვენოთ ხელისუფლებას, რომ ძალაზე, პოლიციაზე, კლანზე, ფულზე დამდგარი მთავრობა ამ ქვეყანას ვერ ეყოლება, ქართველებს უნდათ სიმართლე, ქართველებს უნდათ თავისუფალი არჩევანი და თავისუფალი ქვეყანა და ეს ჩვენი თავისუფლება ყველამ ერთად მშვიდობიანად უნდა დავიცვათ კვირას, 3 საათზე, დიდ საერთო სახალხო აქციაზე“, - განაცხადა ბაქრაძემ.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა