ბრიტანელი მსახიობი შონ კონერი 90 წლის ასაკში გარდაიცვალა. ამის შესახებ BBC News იუწყება.
გარდაცვალების მიზეზი დაზუსტებული არ არის, თუმცა ცნობილია, რომ ასაკოვანი მსახიობი კობოს რამდენიმე წლის მანძილზე ებრძოდა, მას აგრეთვე გულის დაავადება ჰქონდა.
შონ კონერი "პირველი ჯეიმს ბონდის" როლითაა ცნობილი. მსახიობმა აგენტ 007-ის ამპლუა 7 კინოლენტში მოირგო.
კონერი ისეთი პრემიების მფლობელი გახლავთ, როგორებიცაა "ოსკარი", "ოქროს გლობუსი", BAFTA. აგრეთვე მსახიობი მისმა უდიდებულკესობამ ბრიტანეთის დედოფალმა ელისაბედ მეორემ რაინდის წოდებით შეამკო.
მსახიობის კარიერა 50 წლის მანძილზე გრძელდებოდა და 2003 წელს დამთავრდა, რის შემდეგაც ის მეუღლესთან ერთად ბაჰამის კუნძულებზე ცხოვრობდა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"