როგორც მოგეხსენებათ, ძალიან მნიშვნელოვანი არჩევნები გვიახლოვდება, წესებთან დაკავშირებით საკმაოდ აქტიურად იმუშავეს შესაბამისმა სამსახურებმა, ცესკომ, ეპიდემიოლოგებმა და თამამად შეგვიძლია ვთქვათ, რომ არჩევნების პროცესში უსაფრთხოება იქნება სრულად გარანტირებული, - ამის შესახებ მთავრობის ადმინისტრაციის უფროსმა ნათია მეზვრიშვილმა უწყებათაშორისი საკოორდინაციო საბჭოს შემდეგ გამართულ ბრიფინგზე განაცხადა.

მისივე თქმით, წესები შემუშავდა ეპიდემიოლოგების რეკომენდაციაზე დაყრდნობით და არჩევნებზე იქნება უსაფრთხო გარემო, როგორც დამკვირვებლებისთვის, ისე ამომრჩევლებისთვის.

„ეს წესები შემუშავდა ეპიდემიოლოგების რეკომენდაციაზე დაყრდნობით და როგორც დამკვირვებლებს ექნებათ უსაფრთხო გარემოში დაკვირვების შესაძლებლობა, ისე ამომრჩევლებს ექნებათ უსაფრთხო გარემოში არჩევანის გაკეთების შესაძლებლობა. მაქსიმუმი გაკეთდა იმისთვის, რომ თითოეული ადამიანის ხმის მიცემის უფლება იყოს რეალიზებული, მიუხედავად პანდემიისა. სხვადასხვა ფორმატში ძალიან ბევრი იმუშავეს შესაბამისმა სამსახურებმა და დასკვნის სახით შეგვიძლია ვთქვათ, რომ არჩევნებზე მისვლა არის უსაფრთხო და მოვუწოდებთ მოქალაქეებს, რომ მონაწილეობა მიიღონ არჩევნებში,"- განაცხადა ნათია მეზვრიშვილმა.

მთავრობის ადმინისტრაციის უფროსმა კიდევ ერთხელ მოუწოდა მოქალაქეებს, რომ მაქსიმალურად დაიცვან წესები, მათ შორის, პირბადე ატარონ ღია სივრცეშიც.

„ვაგრძელებთ მართვისა და ადაპტაციის პროცესს. სახელმწიფოს მხრიდან ხდება ყველა იმ რეგულაციის აღსრულება, რომელიც დადგენილია და აღსრულების კონტროლი. ბუნებრივია, მოქალაქეებს კიდევ ერთხელ მოვუწოდებთ, რომ წესები მაქსიმალურად დაიცვან, მათ შორის, პირბადე ატარონ ღია სივრცეშიც, იმიტომ რომ ეს პირდაპირ კავშირშია ვირუსის გავრცელების შენელებასთან,"- განაცხადა ნათია მეზვრიშილმა.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო