პრემიერი - თუ ეკონომიკური კრიზისი გაღრმავდება, სოციალური დახმარების საკითხს განვიხილავთ

2020-10-15 13:56:54, 655 ნახვა

კომენტარი

პრემიერ-მინისტრმა გიორგი გახარიამ განაცხადა, რომ თუ ეკონომიკური კრიზისი გაღრმავდება, სოციალური დახმარების საკითხს კვლავ განიხილავენ.

გახარიამ აღნიშნა, რომ ყველაფერი კეთდება იმისთვის, რომ სახელმწიფოს მსგავსი სოციალური დახმარების პაკეტები აღარ დასჭირდეს.

„ყველაფერს ვაკეთებთ, რომ ეკონომიკაში ჟანგბადი იყოს საკმარისი, სამუშაო ადგილების დაკარგვა შეჩერდეს და შემდეგ სწრაფად დავიწყოთ აღდგენა. ეს ყველაფერი კეთდება იმისთვის, რომ სახელმწიფოს მსგავსი სოციალური დახმარების პაკეტები აღარ დასჭირდეს. თუმცა იმ შემთხვევაში თუ ჩვენ ვნახავთ რომ ეკონომიკური კრიზისი ღრმავდება ან გრძელდება, რა თქმა უნდა ამ საკითხს დავუბრუნდებით და განვიხილავთ“, - განაცხადა გახარიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან