პრემიერი რომ გავხდები, სიმართლეს პროკურატურის ჯურღმულში კი არა, ექსპერტების ჩართულობით დავადგენ, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

ვაშაძის თქმით, „ქართული ოცნება“ საკუთარ პარტიულ ინტერესებს უფრო ზემოთ აყენებს, ვიდრე სახელმწიფოებრივ ინტერესებს.

„ვწუხვარ, რომ „ქართული ოცნება“ საკუთარ პარტიულ ინტერესებს უფრო ზემოთ აყენებს, ვიდრე სახელმწიფოებრივ ინტერესებს. ესაა ჩვეულებრივ დადგმული შოუ, რომელიც ჩვენ შემოგვთავაზეს. როგორც კი გავხდები ქვეყნის პრემიერი, პირობას ვაძლევ ყველას, საზოგადოებრივი კომისია შეიქმნება და ყველაფერს დავადგენთ ხალხისა და ექსპერტების ჩართულობით და არა პროკურატურის ჯურღმულებში, რომელიც პოლიტიკურ დავალებას ასრულებს“, - განაცხადა ვაშაძემ.

ცნობისთვის, დღეს ცნობილი გახდა, რომ ე.წ კარტოგრაფების საქმეზე დაკავებულ ნატალია ილიჩოვას ინტერესებს „უფლებები საქართველო“ დაიცავს. მას საქართველო-აზერბაიჯანის საზღვრის დელიმიტაცია-დემარკაციის კომისიის საექსპერტო ჯგუფის ხელმძღვანელთან, ივერი მელაშვილთან ერთად, ბრალი 2005-2007 წლებში მეზობელი ქვეყნისათვის საქართველოს ტერიტორიის ნაწილის გადაცემისკენ მიმართული ქმედების ჩადენაში ედება.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი