ჩვენ არ ვართ პარტია, სადაც კაბინეტებში იწერება სიები, ჩვენ არ ვართ პარტია, სადაც ადამიანები თანამდებობებს ინაწილებენ ისე, რომ ხალხს აზრს არ ეკითხებიან, - ამის შესახებ „ევეროპული საქართველოს“ ლიდერმა დავით ბაქრაძემ პარტიის სიის პრეზენტაციაზე განაცხადა.

მისი თქმით, პარტიულ სიაში არ არის რიგითობა და გუნდის შიგნით არის შიდა კონკურენცია.

როგორც ბაქრაძემ აღნიშნა, პარლამენტში შევა ის, ვისაც მხარს ხალხი დაუჭერს.

„დღეს ამ სცენაზე თქვენ ხედავთ გუნდს, მომავალ საპარლამენტო გუნდს, გუნდს, რომელმაც უნდა გამოიყვანოს ჩვენი ქვეყანა გაჭირვებიდან, გუნდს, რომელმაც უნდა გამოიყვანოს ჩვენი ქვეყანა უიმედობიდან, რომელშიც შეგვიყვანა ივანიშვილმა და „ქართულმა ოცნებამ“, გუნდს, რომელმაც უნდა მოიტანოს გარდამტეხი ცვლილებები ამ ქვეყანაში. ცვლილებები, რომელიც შექმნის დასაქმებას, რომელიც ქვეყანას მოუტანს კეთილდღეობას თითოეულ ოჯახს, ცვლილებებს, რომელიც წაიყვანს ჩვენ ქვეყანას წინ და შექმნის უკეთეს მომავალს ჩვენი შვილებისათვის.

დღეს თქვენ ამ სცენაზე ხედავთ კომპეტენტურ, მცოდნე, ქვეყნისათვის თავდადებულ გუნდს, რომელიც ამ ქვეყანას მოუტანს ცვლილებებს, მოუტანს უკეთესობას და მოუტანს იმას, რისთვისაც ვიბრძვით თითოეული ჩვენგანი.

ჩვენ გუნდს, ამ ყველაფერთან ერთად აქვს კიდევ ერთი გამორჩეული თვისება, რომელიც მას განასხვავებს ყველა სხვა პარტიისაგან საქართველოში და ალბათ მიაქციეთ ყურადღება, რომ ჩვენი წარდგენა არ ყოფილა რიგითი ნომრებით, იმიტომ, რომ ეს არის „ევროპული საქართველოს“ გადაწყვეტილება.  ჩვენ არ ვართ პარტია, სადაც კაბინეტებში იწერება სიები, ჩვენ არ ვართ პარტია, სადაც ადამიანები თანამდებობებს ინაწილებენ ისე, რომ ხალხს აზრს არ ეკითხებიან. ჩვენთან ყველაფერს გადაწყვეტს ამომრჩევლის და ხალხის აზრი. ამიტომ, ჩვენ გვაქვს პარტიული კონკურენცია და ამ ადამიანებისგან პარლამენტში გავლენ ისინი, ვისაც მხარს დაუჭერს ხალხი“, - განაცხადა დავით ბაქრაძემ.

ცნობისთვის, „ევროპულმა საქართველომ“ საპარლამენტო არჩევნებისათვის პარტიული სია წარადგინა.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო